د سعودي عربستان د پاچا ملک عبدالله بن عبدالعزيز په امر په مکه مکرمه کې د نړۍ تر ټولو لوړ منار او ګړۍ جوړيږي. د شرق الاوسط انټرنېټپاڼې په وينا، د مکې امير عبدالمجيد بن عبدالعزيز ويلي،چې دغه ګړۍ به د حرم شريف پر وړاندې د ملک عبدالعزيز په وقف شوي برج يا منار کې جوړيږي. دغه منار به 380 متره لوړوالی لري او د منار په څلورواړو اړخونو کې به ګړۍ اېښودل کيږي. تر ټوله لويه ګړۍ به 80 متره لوړوالی،65متره پلنوالی او 39 متره پيړوالی لري.
